Departament bastyǵynyń orynbasary polısııa polkovnıgi Bóken Begeruly Jumaǵalı jeke quram aldynda tártip saqshylaryna Elbasy Joldaýyndaǵy úlken mindetterdi sheshý jolynda úlken de, jaýapty jumystar kútip turǵandyǵyn atap kórsetti. Bıylǵy Joldaý elimizdiń tórtinshi óndiristik revolıýsııa jaǵdaıyndaǵy damýyn baǵyttaldy. Elbasy halqymyz iske asyrýǵa tıisti 10 mindetti alǵa qoıdy. Atalǵan mindetterdi iske asyrý álemdegi ozyq 30 eldiń qataryna enýimizge naqty qadam bolyp tabylady.
Bóken Jumaǵalı Joldaýdyń barlyq basymdyqtaryn aıta kelip, ishki ister organdaryna qatysty mindetterine toqtaldy:
- Kólik-logıstıkalyq ınfraqurylymynyń tıimdiligin arttyrý basymdyǵynda turaqty negizde joldarǵa tekserý júrgizý qajet, jergilikti atqarýshy organdarǵa kólik qatynasyn jaqsartý boıynsha usynystar engizý jáne kólik ınfraqurylymy men jol qurylysy aıasynda atqarylatyn jumystarǵa sapaly baqylaýdy qamtamasyz etý.
Qyzmette zamanaýı tehnologııany engizý boıynsha Joldaýda aıtylǵandaı, salynyp jatqan jáne qazirdiń ózinde ınfraqurylym obektileri ınttelektýaldy basqarý júıelerimen jaraqtandyrylýy qajet. Bul rette ınttelektýaldy basqarý júıeleriniń quramdas bóligi retinde «Qaýipsiz aýla» qaǵıdaty boıynsha qyzmet jasaıtyn beınebaqylaý kameralary damytylýy tıis. Bul turǵyndardyń qaýipsizdigin aıtarlyqtaı arttyrady. Qoǵamdyq tártipti saqtaý jáne qaýipsizdikti qamtamasyz etý salasynda kóshelerde jáne adam kóp jınalatyn qoǵamdyq oryndarda beınebaqylaý júrgizetin, azamattardy anyqtaıtyn jáne jol qozǵalysyn qadaǵalaıtyn ıntellektýaldy júıelerdi belsendi túrde engizý kerek.
Basshy sonymen qatar, «Adamı kapıtal – jańǵyrtýdyń negizinde» atty basymdyǵyna erekshe toqtaldy. Onyń aıtýy boıynsha, bilim júıesindegi negizgi mindet ıntellektýaldyq qabiletter, jańa bilimderdi ıgerý jáne jańa jaǵdaılarǵa beıimdelý bolýy tıis, Búginde qylmys álemi jetildi, tehnologııalar ózgerýde, osyǵan baılanysty polıseılerden kóp bilimdi, IT salasyndaǵy jumys daǵdylary boıynsha talap etiletindigi týraly aıtyp ótti.
Elbasy óz Joldaýynda sybaılas jemqorlyqpen kúres jalǵasa beretinin atap kórsetken bolatyn, osyǵan oraı oblystyń ishki ister organdarynda da jemqorlyqpen kúres boıynsha jumystar basshylyq baqylaýynda tur. Búginde polıseıler jańa zańnama boıynsha qyzmet etýde, zańnama men ózgeriste ishki ister organdary qyzmetiniń tıimdiligin arttyrýǵa baǵyttalǵan.
Jıyn sońynda qatysýshylar Elbasy Joldaýyn qoldap, kórsetilgen mindetter baǵytynda jumystana beretindikterin bildirdi.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
